BAWRHSAIABE
Scientific name : Abelmoschus esculentus L
Mizo : Bawrhsaiabe
Hindi : Okra
English : Ladies finger
Bawhrsaiabe hian Iodine a paihnem hle a, awrpuar tan damdawi thatak a ni. A hnah hi pemthar damdawi leh santen a tan a tha hle, tin a rah hi kal (kidney) thalo tan te, serh atanga bawhhlawh chhuak tan te leh chau (chaklo) tan te atha hle bawk. A mu (seed) hian 13 - 22 % good edible oil leh 20 - 24 % protein a pai bawk. A oil chu sahbawn siamnan te leh a protein pai chu ran chaw siamnan te atangkai hle. A mu (seed) nuaisawm hi Bawnghnute tui tihtam nan a tha hle a, a fibre hi jute, paper leh puan siam nan te an hmang bawk.
Sik leh sa :
Ram lum leh uapah atha duh hle a, khawkheng leh zan khawvawt lutuk a ngeihlo hle, Temp 24°C - 28°C ah atha duh hle. Khawvawt 17°C hnuai lamah atiak tha duh lova, 42°C chunglamah a par te a roin a til duh hle.
Leilung :
Eng leiah pawh a chintheih a, zungpui (tap root) \hatak nei a nih avangin balu lei lam, tui paih\hasi leiah atha duh hle. Lei thur lam pH 6 - 6.8 a ngeih tawk ber.
Varieties:-
Arka Anamika : Yellow vein mosiac lakah a him.
Co 1 : A kung a sang a, 6 - 7 vel kau a chhuah thin.
MDU - 1 : Tuh atang a ni 43 velah a rah a lawh theih tan.
Gujarat Bhindi : Ni 55 - 60 ah a lawh theih tan a 70 Qntl / Ha a thar thei.
Parbhani Kranti : Tuh atang a ni 45 ah a thar thei.
Pusa Makhmali : A kung a sanga a zar a chhuah lo. 80 - 100 Qntl / Ha a thar thei.
Pusa Sawani : Tuh atang a 45 -50 ah a thar, 120 -125 Qntn / Ha.
A chin dan :
Bawrhsaiabe hi phunsawn chi a ni lova, a hmuna tuh nghal mai chi a ni. Theh hi a tih chi loh bawk. Haihpawn chung a chin hi a tha ber a, a tiaktha bawk a, thalah tui pek a awlsamin tui a ngai tlem a, tin furah tui a thli hultha bawk.
A kar hlatzawng 60 cm X 30 cm a zar bukchi leh tawichi tan an hmang thin a. 55,000 plants / Ha a leng.
45 X 30 cm a zar neilo chi tan, 75,000 plants / Ha a leng.
A rah thar hnem leh duhthawh deuh / hralh sum a tan chuan 20 - 30 cm inkar hlat a lane 2 -3 vel a hlawm (group) a chin a 60 cm vel a heng a hlawm te inkar hlat a dah hian a seng (harvesting) a tinuamin a zar darh lutuk tur a veng a, a thar hlawk bawk.
Seed rate (a chi ngai zat) :-
18 - 22 kg / Ha (Thal thlai)
8 - 10 kg / Ha (Fur)
0.2 % Bavistin-ah zankhua a chiah tur, hei hian a ti tiak hmain wilting (a kung vuai) leh damping off (a kung lawng) lakah a veng.
Furadon @ 2kg ai / Ha leia lehhnan hian Nematode (Lei rulhut) lakah leh rannung dang lakah chawlhkar 4 - 5 a veng thei.
A chin hun :
June - July thla tawp (Fur thlai)
February thlatawp - march thla tir (Thal thlai)
November (Thlasik thlai)
April - June (Tlangram tan)
Leitha pek dan :
Bawng ek leitha leh phosphorus leh Potassium leh Nitrogen dose chanve chu leileh lai a chawha leileh laia lehhnan vek tur a ni. Nitrogen chanve dang chu hmun 4 a then a hmun khat chu a par hnuah lei a pek tur a ni a, a dang 3 erawh chu a rah hnuah ni 10 danah a hnah tum 3 kah tur a ni (Foliar spray). Recommended dose of NPK : 100 : 50 : 50 hei hi a leithat dan leh a variety a zirin a danglam.
Tui pek :
Tuh zawh veleh a tui pek aiin lei hnawng a tuh atha zawk a, a hnah tak a chhuah hnuah tui pek leh tur a ni. A dang erawh chu ni 4 - 5 hnuah leihnawn dan a zirin pek leh mai tur a ni. A par lai leh a rah lai a tui a tlakchham chuan 70 % laiin a thar a tlahniam thei a chumaibakah a thatna tam tak a hlauh thei bawk.
Hlo thlawh :
Hlo thlawh that loh chuan 90% velin a thar a tlahniam thin. A tuh atang a ni 20 velah hlo thlawh a ngai thin a, 3 - 4 vel lai athar thlengin thlawh a ngai thin.
Chemicals hman hian nasa takin hlo thlawh a pui thin, Fluchloralin (Basalin 48 EC) @ 1.2 kg/ Ha tuh hma a lo a theh tur. Alachlor (Lasso 50 EC) @ 2kg / Ha tuh hnuah hman tur.
A seng :
* Arah seng hma deuh chuan a thar a hlawk loh deuh bakah a dahthat rei theih loh deuh.
* Ni kar dana a rah seng hi a tha.
* Kutkawr bun ila kut a him.
* Zing daia seng hi a tha ber.
* Hmun hla a thawn dawn chuan tlai lama lawh a, zana phurhchhuah nghal a \ha ber.
* 8 - 12 tone / Ha a thar thei.
Grading:
* Industry a siam tur leh a rah tharlam thawn chhuah a tan 6 - 8 cm vel a sei an thlang chhuak thin.
* Tualchhung a hralh a tan chuan, chu aia sei chu an thlang thin.
* Tualchhunga hralh tur chu dahdaih hnuah jute bag-ah thunin tui tlem an phuh huh thin, hei hian a vawngdaiin a rah a ti mar tha a, a sawng leh duk turte a kehchhetur te a veng thin.
* Boruak luh thattheihlohna a dah chuan amah a lum (heat) a pekchhuah avangin a lo eng duh thin.
* Ram pawn a thawnchhuah(export) tur chu Parcel pawp (Boruak luh leh chhuah theihna)-ah a rah dahvawhsa chu thunin refregerated van-ah an thawn chhuak thin. Chung a tan chuan a rah no\ha hring hlap mai, ngiltha bawksi 6 - 8 cm vel a sei an thlang thin.
